बुटवलमा मेयरका लागि एमालेबाट ८ जना सिफारिस, उपमेयरमा ४ जना

बुटवल- नेकपा एमालेका उपाध्यक्ष विष्णु पौडेलको गृहनगर बुटवलमा मेयरका लागि ८ जनाको नाम सिफारिस भएको छ। नेकपा एमाले बुटवल उपमहानगरले आकांक्षी सबैको मन राख्‍ने गरी ८ जनाको नाम सिफारिस गरेको हो। 

एमाले उपमहानगर कमिटीको बैठकले मेयरको उम्मेदवारका लागि हालका मेयर शिवराज सुवेदी, उपमेयर गुमादेवी आचार्यसहित ८ जनाको  नाम सिफारिस गरिएको नगर अध्यक्ष किसन ज्ञवालीले बताए।

त्यसैगरि मेयरका लागि सावित्रा अर्याल, गोपाल राना, बाबुराम भट्टराई, तेजेन्द्र केसी, रामप्रसाद रेग्मी र सूर्यबहादुर भट्टराईको नाम सिफारिस गरिएको छ। सिफारिश गरिएका मध्ये सुवेदी, आचार्य र अर्याल एमालेका केन्द्रीय सदस्य हुन्।

राना र भट्टराई व्यवासयी पृष्ठभूमिका हुन। यद्यपि राना भने लामो समयदेखि युवा पुस्तामा लोकप्रिय छन। केसी एमाले रुपन्देहीका अध्यक्ष हुन्। रेग्मी बुटवल उपमहानरपालिका प्रवक्ता हुन्।

उपप्रमुखमा चार जनाको सिफारिस

अध्यक्ष ज्ञवालीका अनुसार उपप्रमुखमा चार जनाको नााम सिफारिश गरिएको छ। ज्ञानुकेसी, खेम लुईंटेल, मधुकला कुँवर र कल्पना थापाको नाम सिफरिस गरिएको नगर अध्यक्ष ज्ञवालीले बताए।

बुटवलमा मेयर र उपमेयरमा आकांक्षी धेरै भएपछि उपमहानगर कमटीले भने सबैको नाम सिफारिस गरेको हो। यो नाम प्रारम्भिक रुपमा सिफारिस गरिएको भए पनि अन्तिम टुंगो जिल्ला प्रदेश र केन्द्रले नै लगाउनेछ।