यी हुन् आईपीएलमा सर्वाधिक रन बनाउने पाँच खेलाडी

काठमाडौं– क्रिकेटको दुनियाँमा आईपीएलको छुट्टै महत्व छ। संसारभरका क्रिकेटप्रेमीका लागि आईपीएल एउटा ठूलो चाडभन्दा कम हुँदैन। क्रिकेट लिगमध्ये सबैभन्दा महँगो तथा उत्कृष्ट लिग हो आईपीएल। 

यो प्रतियोताको सुरुवात सन् २००८ मा भारतमा भएको थियो। प्रत्येक वर्ष हुने यो प्रतियोगिताको १४औं संस्करण अहिले भारतमा जारी छ।

आईपीएलको १४ औं संस्करणसम्म आइपुग्दा सबैभन्दा धेरै रन बनाउने ब्याट्सम्यान हुन् विराट कोहली। भारतीय राष्ट्रिय टिमका पूर्वकप्तान समेत रहेका कोहली आईपीएलमा रोयल च्यालेन्जर्स बेंग्लोरबाट खेल्छन्। 

पहिलो संस्करणदेखि नै आईपीएल खेलेका उनले पहिलो सिजनमा १६५ रन बनाएका थिए। कोहलीले २११ खेलमा ६ हजार ३८९ रन बनाएका छन्। 

दोस्रो नम्बरमा छन् शिखर धवन। उनले १९६ खेलमा ५ हजार ९११ रन बनाएका छन्। रोहित शर्माले २१७ खेलमा ५ हजार ६९१ रन, सुरेश रैनाले २०५ खेलमा ५ हजार ५२८ रन र डेभिड वार्नरले १५२ खेलमा ५ हजार ५१४ रन बनाएका छन्।