मिडिया कप : उद्घाटन खेलमा एनएसजेएफको जित

काठमाडौं- नेपाल पत्रकार महासंघले आयोजना गरेको मिडिया कपको उद्घाटन खेलमा नेपाल खेलकुद पत्रकार मञ्चले हाम्रो सञ्चार डट कमविरुद्ध ५-३ को जित निकालेको छ।

सोमबार सुरु भएको प्रतियोगितामा नेपालले सुरुआति जित निकाल्दै क्वार्टरफाइनलमा स्थान बनाएको हो। प्रतियोगिताको उपाधि दावेदारसमेत रहेको एनएसजेएफले अब क्वार्टरफाइनल खेलमा नेपाल ब्रोडकास्टिङ च्यानल(न्युज २४) सँग खेल्नेछ।

एनएसजेएफ र नेपाल ब्रोडकास्टिङ च्यानलबीचको खेल आजै पौने तीन बजे हुने आयोजकले जनाएको छ। एनएसजेएफका लागि सुवास हुमागाईँ र आसिस पुडासैनीले समान २-२ गोल गरे भने एक गोल दिल तामाङले गरे।