आईपीएलमा आज दुई खेल हुँदै

काठमाडौं– भारतमा जारी इन्डियन प्रमियर लिग (आईपीएल) क्रिकेटमा आज आइतबार दुई खेल हुँदैछन्। पहिलो खेल लिग लिडर कोलकाता नाइट राइडर्सले दिल्ली क्यापिटल्ससँग खेल्दैछ। खेल नेपाली समय अनुसार दिउँसो पौने चार बजे मुम्बईमा सुरु हुनेछ।

४ खेल खेल्दै ३ मा जित र १ मा हार व्यहोरेको कोलकात ६ अंकका साथ तालिकाको शीर्ष स्थानमा रहेको छ भने ३ खेल  खेल्दै १ खेलमा जित र २ खेलमा हार व्यहोर्दै २ अंकका साथ दिल्ली तालिकाको सातौँ स्थानमा रहेको छ। आजको  खेल जित्दै कोलकाता आफ्नो शिर्ष स्थान अझ मजबुत बनाउने दाउमा छ। कोलकाताको कप्तानि श्रेयस ऐयरले गर्दैछन् भने दिल्लीको रिसब पन्तले।

आजै हुने अर्को खेलमा राजस्थान रोयल्सले लखनउसँग खेल्दैछ। खेल नेपाली समय अनुसार बेलुकी पौने ८ बजे वाङखडे रंगशाला मुम्बईमा सुरु हुनेछ। ३ खेल खेल्दै २ मा जित र १ मा पराजय बेहोरेको राजस्थान ४ अंक जोड्दै तालिकाको पाँचौं स्थानमा रहेको छ।

उता नयाँ टोली लखनउ ४ खेल खेल्दै ३ मा जित र १ मा हार बेहोर्दै ६ अंक जोड्दै तालिकाको चौथो स्थानमा छ। राजस्थानको कप्तानी सन्जु सामसनले गर्दैछन् भने लखनउको के एल राहुलले।