हरिकृष्ण व्यञ्जनकार एमालेबाट ललितपुरको मेयरमा सर्वसम्मत उम्मेदवार

ललितपुर- नेकपा एमालेबाट ललितपुर महानगरको मेयरमा हरिकृष्ण व्यञ्जनकार सर्वसम्मत उम्मेदवार चयन भएका छन्। 

शनिबार बसेका नेकपा एमालेको पार्टी महानगर कमिटी बैठकले व्यञ्जनकारलाई सर्वसमत मेयरको उम्मेदवार बनाउने निर्णय गरेको हो।

एमालेबाट महानगरपालिकाको उपमेयरमा भने दुई जनाले दाबी परेको छ। व्यञ्जनकारका अनुसार पार्टी महानगर कमिटीकी अध्यक्ष आस्था शाक्य 'मञ्जली' र पार्टी प्रदेश कमिटी सदस्य सरस्वती खड्काले उपमेयरको लागि दाबी गरेका छन्।

दाबीलाई महानगर कमिटी हुँदै केन्द्रीय कमिटीमा सिफारिस गरिनेछ। त्यसपछि मात्रै उपमेयरको टुंगो लाग्ने उनले बताए। 

व्यन्जनकार एमालेको केन्द्रीय कमिटी सदस्य तथा ललितपुर जिल्ला सह इन्चार्ज समेत हुन्। गत २०७४ को निर्वाचनमा समेत महानगरको मेयरको उम्मेदवार रहेका व्यञ्जनकार कांग्रेसका चिरीबाबु महर्जनसँग तीन अंकको झिनो मतान्तरले पराजित भएका थिए।