जनकपुर- सर्लाहीमा पाँच दिनदेखि हराइरहेका एक बालकको शव सेफ्टी ट्यांकीमा फेला परेको छ।
जिल्लाको मलंगवा नगरपालिका-१२ गम्हरियाका जीतेन्द्र ठाकुरका १० वर्षीय छोरा मिठु भनिने आकाशको शव सेफ्टी ट्यांकीमा फेला परेको जिल्ला प्रहरी कार्यालय सर्लाहीले जनाएको छ।
बोराभित्र हालेर लुकाएको अवस्थामा छिमेकीको घरमा शौचालयको सेफ्टी ट्यांकीमा शव फेला परेको हो।
आइतबार राति गाउँमै न्वारानको भोज खान गएका बालक बेपत्ता भएका थिए। प्रहरीले घटनाबारे अनुसन्धानका लागि सात जनालाई नियन्त्रणमा लिएको छ।
शव पोस्टमार्टमका लागि अस्पताल पठाइएको छ।
प्रकाशित: Apr 07, 2022| 13:20 बिहीबार, चैत २४, २०७८
