उदयपुर- उदयपुरको त्रियुगा नगरपालिका-१३ बेहर्डवामा ६६ वर्षीया सुखरीदेवी चौधरीको हत्या भएको छ। घरमा कोही नभएको मौका छोपी गरगहना लुटपाट गरेर चौधरीको बुधबार राति हत्या भएको प्रहरीले जनाएको छ।
चौधरीको घरकै ओछ्यानमा हत्या गरिएको अवस्थामा शव फेला परेको थियो। श्रीमान बच्चुलाल चौधरीले घरमा उनलाई मात्र छाडेर अन्य सदस्य बाहिर गएको मौकामा हत्या भएको बताए।
दिउँसो गाउँमा भारतीय मुलको दुईजना कालो कपडा लगाउने अघोरी बाबा आएको स्थानीयबासीले बताएका छन्।
मृतकले लगाएको नाक, कानको गहना लुटपाट भएको पाइएको छ। मृतक चौधरीको शव राति नै प्रहरीले पोष्टमार्टमका लागि जिल्ला अस्पताल गाईघाट लगेको छ।