धनगढी- कैलालीको घोडाघोडी नगरपालिकामा ग्यास सिलिण्डर पड्किएर एक घरमा आगलागी भएको छ।
घोडाघोडी नगरपालिका-८ की ३२ वर्षीया मालती विकको घरमा विजुलीको तार सर्ट भई ग्यास सिलिण्डर पड्किएर आगलागी भएको प्रहरीले जनाएको छ।
बुधबार राति भएको आगलागीबाट विकको खरले छाएको दुई कोठे कच्ची घरसहित कुखुराको खोर र एक किराना पसल जलेको छ।
आगलागीबाट २० लाखको क्षति भएको बताइएको जिल्ला प्रहरी कार्यालयका प्रवक्ता प्रहरी नायब उपरीक्षक वेदप्रकाश जोशीले बताए।