अपरेशन 'बाली' मा एक नेपाली शान्ति सैनिक घाइते

काठमाडौं- संयुक्त राष्ट्रसंघ अन्तर्गतको शान्ति मिसनमा खटिएका एक नेपाली सैनिक घाइते भएका छन्। नेपाली सेनाको सैनिक जनसम्पर्क तथा सूचना निर्देशनालयले दिएको जानकारी अनुसार कंगोमा तैनाथ श्री नेप क्यूआरएफ कम्पनीको पहिलो डफ्फामा कार्यरत नेपाली शान्ति सैनिकहरुले अपरेशन 'बाली' का क्रममा ती सैनिक घाइते भएका हुन्। 

प्रमुख सेनानी निकिल कुवँरको कमाण्डमा कर्डन एण्ड सर्चको कारवाही सञ्‍चालन गरी, विद्रोहीको अब्जेक्टिभ कब्जा गरी जमीन होल्ड गरेपश्चात, विद्रोहीले अज्ञात स्थानबाट अचानक गरेको फायरबाट मंगलबार उक्त मिशनमा कार्यरत एक शान्ति सैनिक घाइते भएको जनाइएको छ।    को दौरान, 

घाइते सैनिकको नाम खुलाइएको छैन। घाइते उनलाई सैनिकको हेलिकप्टरमार्फत उद्धार गरी, बुनियाँस्थित लेबल-२ अस्पतालमा थप उपचार भइरहेको जनाइएको छ। 

बाँकी फौजहरु सुरक्षित रहेकोसमेत नेपाली सेनाले जनाएको छ।