संसदीय सुनुवाइ समितिको बैठक अचानक स्थगित

काठमाडौं- प्रधानन्यायाधीश दीपकराज जोशीको टुंगो लगाउन संसदीय सुनुवाइ समितिको बैठक एकाएक स्थागित भएको छ। संसद भवन नयाँ बानेश्वरमा बसेको बैठकले जोशीबारे अन्तिम निर्णय हुने भनिएको थियो। 

बिहीबार जोशीलाई बोलाएर समितिले उनका सम्बन्धमा परेको उजुरीका सम्बन्धमा आफ्नो धारणा राख्ने मौका दिएको थियो। संसद नियमावलीअनुसार समितिका दुइ तिहाइ सदस्यले स्वीकार वा अस्वीकार गर्नुपर्ने व्यवस्था छ। बैठकमा नेकपाले उनको नाम अस्वीकार गर्ने तयारी गरेको थियो। 

१५ सदस्य समितिमा संघीय समाजवादी फोरमको समेत गरि सरकार पक्षका १० सांसद छन् । कांग्रेस सम्बद्ध ४ र राजपा सम्बद्ध एक छन्। 
 
संसदीय समितिको अर्को बैठक १६ गते साँढे तीन बजे बस्ने भएको छ। सांसद योगेश भट्टराइृका अनुसार प्रतिपक्ष साँंसदको समेत सहमति लिएर निर्णय गर्नका लागि स्थगित भएको बताए। स्रोतका अनुसार मंगलबार नेपाली कांग्रेसले देशव्यापी आन्दोलनको घोषणा गरेको र त्यसलाई  उसले नारा बनाउन सक्ने भन्दै स्थगित भएको हो।