दुर्घटनामा परी बेहुलासहित एकै परिवारका १४ जनाको मृत्यु 

काठमाडौं- विवाह पार्टीमा जाँदै गरेका बेहुलासहित एकै परिवारका १४ जनाको सडक दुर्घटनामा परी ज्यान गएको छ। 

विवाह पार्टीका लागि जाँदै गरेको भ्यान मध्य भियतनाममा सोमबार एक कन्टेनरसँग ठोक्किदा दुर्घटना भएको हो। उनीहरु बेहुलीको घर जानेक्रममा दुर्घटना भएको प्रहरीले जनाएको छ। 

मध्य भियतनामको क्वाङ नाम भन्ने स्थानमा भएको  दुर्घटनामा बेहुलासहित एकै परिवारका अन्य सदस्यको मृत्यु भएको प्रहरीले पुष्टि गरेको छ। उनीहरु स्थानीय समय अनुसार सोमबार बिहान २:३० बजे छिमेकी प्रान्तमा रहेको बेहुलीको घर जाँदै थिए।

प्रहरीले घटनाका बारेमा छानबिन सुरु गरेको जनाइएको छ।