छुट्टाछुट्टै स्थानमा पाँच जना मृत फेला

काठमाडौं- देशका विभिन्न स्थानमा पाँच जना मृत फेला परेका छन्।

ललितपुर गोदावरी नगरपालिका-९ छेडा बस्ने ५६ वर्षीया मिना कार्की आफ्नै घर नजिक कुखुरा पाल्ने टहरो पछाडि गएराति मृत फेला परेकी हुन्। 

ओखलढुङ्गा खिजिदेम्बा गाउँपालिका-७ बस्ने ५८ वर्षीया गोमा माया परियार सोही ठाउँस्थित लिखु नदीमा शुक्रबार मृत अवस्थामा फेला परेकी छन्। 

बारबर्दिया नगरपालिका-१० दथैया बस्ने केशब सिंह ठकुरीका १५ वर्षीय छोरा बिजयसिंह ठकुरी सोही ठाउँस्थित जुरपानी नालामा शुक्रबार मृत फेला परेका छन्। 

सप्तरी तिलाठी कोइलाडी गाउँपालिका-३ सखरपुरा बस्ने लालु मुखियाको छोरा पाँच वर्षीय निरज कुमार मुखिया सोही ठाउँस्थित डिहबार थान पोखरीमा शुक्रबार मृत फेला परेका छन्। 

काभ्रेपलाञ्चोक पाचँखाल नगरपालिका-१३ शेराबेसीस्थित सुनकोशी नदीको बगरमा पहिचान नखुलेका करिव ३० वर्षीय पुरुष शुक्रबार मृत अवस्थामा फेला परेका छन्।