काँकडभिट्टा- भ्यानको ठक्करबाट शनिबार बिहान झापामा एक शिक्षकको मृत्यु भएको छ।
अर्जुनधारा नगरपालिका पुष्पलाल चोकनजिकै सडकमा मर्निङवाक गरिरहेका अर्जुनधारा-६ बस्ने ५३ वर्षीय कृष्णप्रसाद निरौलाको सवारीको ठक्करबाट घटनास्थलमै मृत्यु भएको प्रहरीले जनाएको छ।
बिहान ५:१५ बजे प्र १–०१–००१ च ५१०७ नम्बरको पिकअप भ्यानले उनलाई ठक्कर दिएको थियो। निरौला दुर्गा माध्यमिक विद्यालय गरामनीका शिक्षक हुन्।
उनीसँगै मर्निङ वाकमा हिँडेका बिर्तामोड-५ बस्ने ४५ वर्षका अर्जुन उप्रेती घाइते भएका छन्। उनलाई उपचारका लागि बी एन्डी सी अस्पताल लगिएको छ।