सिराहा- सिरहाको गोलबजार नगरपालिका-११ बलकावाका वडा अध्यक्ष रामदेव यादवको निधन भएको छ। मुटुरोगबाट पीडित यादवको शुक्रबार बिहान निधन भएको हो।
उनको विराटनगरस्थित नोवेल अस्पतालमा उपचारको क्रममा मृत्यु भएको पारिवारिक स्रोतले जनाएको छ।
गत माघमा काठमाडौंबाट उपचार गरेर आएका वडा अध्यक्ष यादव दुई दिनअघि गाउँकै बजारमा बेहोस भएका थिए। उनलाई थप उपचारको लागि धरान पुर्याइएको थियो।
उनको तीन छोरी र श्रीमती छन्। उनी नेकपा एमालेबाट वडा अध्यक्षमा विजयी भएका थिए।