विराटनगर- विराटनगर महानगरपालिका–१४ स्थित एमएम प्लाष्टिक उद्योगनजिक सडकमा घाइते अवस्थामा भेटिएका एक पुरुषको ज्यान गएको छ।
विराटनगर–९ का ४२ वर्षीय पुष्पराज देउजा शुक्रबार बिहान ५ बजेतिर रानी–विराटनगर सडकखण्डमा गम्भीर घाइते अवस्थामा भेटिएका थिए। उनलाई उपचारका लागि कोसी अस्पताल पुर्याउन साथ चिकीत्सकले मृत घोषित गरेको मोरङ प्रहरीका प्रवक्ता डीएसपी दीपक श्रेष्ठले बताए।
‘मर्निङ वाक’ गर्दा सवारीसाधनले देउजालाई ठक्कर दिएको हुनसक्ने प्रहरीले आशंका गरिएको छ। तर सवारीसाधनको पहिचान हुन नसकेकाले घटना यकिन गर्न नसकिएको प्रहरीले जनाएको छ।
घटनास्थलमा भेटिएको सवारीसाधनको फुटेको शिशाका आधारमा देउजालाई सफारीले ठक्कर दिएको हुनसक्ने आशंका गरिएको प्रहरीले जनाएको छ।