देउवाको भारत भ्रमण पारिवारिक हो कि भन्दै एमालेले उठायो प्रश्न

काठमाडौं- प्रमुख प्रतिपक्षी नेकपा एमालेले प्रधानमन्त्री शेरबहादुर देउवाको भारत भ्रमण निजी-पारिवारिक हो कि भन्दै प्रश्न उठाएको छ।  

प्रधानमन्त्री देउवा आज भारत भ्रमणमा जान लागेका छन्। तर, मुलुकका कार्यकारी प्रमुखको भ्रमणबारे प्रमुख प्रतिपक्षीसँग छलफल नै नगरिएको भन्दै एमालेले प्रश्न उठाएको हो।

एमाले प्रचार विभाग उपप्रमुख विष्णु रिजालले फेसबुकमा लेखेका छन्, 'प्रधानमन्त्री शेरबहादुर देउवा आजबाट भारत भ्रमणमा जाने समाचार सार्वजनिक भएको छ। संवेदनशील र राष्ट्रिय सहमति हुनुपर्ने महत्वपूर्ण विषयमा मुलुकको सबभन्दा ठूलो र संसद्को प्रमुख प्रतिपक्षी दल नेकपा (एमाले)सँग उहाँले कुनै छलफल र सरोकार राख्नुभएको छैन।'

देउवाको भ्रमण निजी-पारिवारिक हो कि प्रधानमन्त्रीका हैसियतले भन्दै रिजालले प्रश्न उठाएका छन्। 'स्वाभाविक रुपमा प्रश्न उठेको छः शेरबहादुर देउवाको यो भ्रमण निजी-पारिवारिक हो कि प्रधानमन्त्रीका हैसियतले हुन लागेको हो?,' उनले लेखेका छन्।