ललितपुर- ललितपुर यातायात कार्यालयमा आएका सेवाग्राहीलाई दु:ख दिएको भन्दै प्रहरीले १५ जनालाई पक्राउ गरेको छ।
ललितपुर महानगरपालिका-४ बागडोल बस्ने खोटाङ दिक्तेल घर भएकी १९ वर्षीया इनिमाया राईसहित १५ जनालाई पक्राउ गरिएको प्रहरीले जनाएको छ।
ललितपुर महानगरपालिका-१३ कुसुन्तीस्थित यातायात व्यवस्था कार्यालय, बागमतीको कार्यालय परिसर तथा बाहिरसमेत अनाधिकृत रुपमा मानिस भेला भई कार्यालयमा आउने सेवाग्राहीलाई अनावश्यक रुपमा झन्झटमा पारी कार्यालयको काममा समेत बाधा अवरोध पुर्याउने कार्य गरेको भन्दै उनीहरूलाई प्रहरीले पक्राउ गरेको हो। उनीहरूलाई पक्राउ गरेर अनुसन्धान थालिएको प्रहरीले जनाएको छ।