धनगढी- कैलालीमा पासोमा परेर चितुवा मरेको छ। घोडाघोडी नगरपालिका वडा नम्बर १० झिरोखामा अज्ञात समूहले हालेको पासोमा परेर चितुवा मरेको हो।
चितुवा बिहीबार विहान पासोमा परेको र उद्धार टोलीले काम गर्न नपाउँदै मरेको डिभिजन कार्यालय पहलमानपुरले जनाएको छ। उनका अनुसार उद्धारका लागि बर्दिया राष्ट्रिय निकुञ्जबाट टोली पुग्नासाथ चितुवा मरेको हो।
मरेको चितुवालाई डिभिजन वन कार्यलय पहलमानपुर लगिएको र मुचुल्का उठाएर सुरक्षित स्थानमा गाडिने रिजालले बताए। पासो कसले हाल्यो भन्नेबारे अनुसन्धान भइरहेको डिभिजन कार्यालय पहलमानपुरले जनाएको छ।