स्वर्गीय ब्रजाकीलाई सम्मान 

काठमाडौं- प्रथम मौलिक नाटककार अमर साधक पहलमान सिंहको १३९ औं जन्मजयन्तीको अवसरमा पहलमान सिंह स्वाँर स्मृति प्रतिष्ठानद्धारा आयोजित पुरस्कार अर्पण समारोह कार्यक्रम सम्पन्न भएको छ । 
उक्त कार्यक्रममा नाट्य तथा संगीत प्रज्ञा प्रतिष्ठानका कुलपति सरूभक्तको प्रमुख आतिथ्यमा प्रज्ञा प्रतिष्ठानमा सम्पन्न भएको थियो । 

पहलमान सिंह दर्घ ‘साहित्य प्रतिभा पुरस्कार’ स्वर्गिय कथाकार मनु ब्रजाकीलाई मरणोपरान्त दिइएको छ । पुरस्कार राशी २५ हजार रहेको ब्रजाकीकी धर्मपत्नी ज्ञानीदेवी सिंह भण्डारीले ग्रहण गरेकी थिइन । 

त्यसैगरी पहलमान सिंह स्वाँर साहित्य प्रतिभा पुरस्कार कवी तिर्थ श्रेष्ठ, तारामान सिंह अम्बिका देवी स्वाँर पुरस्कार शिक्षाविद् प्रेमकुमार खत्री, बलमान सिंह चलचित्र पुरस्कार फिल्मकर्मी चेतन कार्की र पहलमान सिंह स्वाँर विषेश सम्मानबाट गजलकार ज्ञानुकार पोडेललाई सम्मान गरिएको छ । 

पुरस्कार राशी जनही १० हजार रहेको थियो ।