काटमाडौं- मोटरसाइकल दुर्घटनामा परेर धनुषामा चार जना किशोरको मृत्यु भएको छ।
सोमबार राति करिब ८ बजे धनुषाको सवैला नगरपालिका-१२ रघुनाथपुरको नहर चौकदेखि बरकुर्वा बीचको सडक खण्डमा मोटरसाइकल दुर्घटना भएको हो।
दुर्घटनामा परेर गम्भीर घाइते भएका एक जनाको उपचार भइरहेको छ। मोटरसाइकल दुर्घटनामा परेर सबैला-२ का १२ वर्षीय लक्ष्मी यादव, १५ वर्षीय राहुल यादव, १४ वर्षीय सुमित यादव र १२ वर्षीय बौका यादवको ज्यान गएको धनुषाका प्रहरीले जनाएको छ।
घाइते हुनेमा १९ वर्षीय सुरेन्द्र यादव छन्। पाँचै जना एउटै मोटरसाइकलमा सवार रहेको प्रहरीले जनाएको छ।