काठमाडौं– पूर्वपश्चिम राजमार्गअन्तर्गत सर्लाहीको फूलजोरमा आइतबार यात्रुवाहक बस पल्टिँदा चार जनाको मृत्यु भएको छ। बसमा सवार २५ जनाभन्दा बढी यात्रु घाइते भएको प्रहरीले बताएको छ।
वीरगन्जबाट जनकपुरतर्फ जाँदै गरेको ना ४ ख ८५५५ नम्बरको बस सर्लाहीको फूलजोर खोलाको बार भत्काउँदै खोलामा खसेको हो। दुर्घटनामा मृत्यु हुनेहरुको पहिचान खुल्न सकेको छैन।
मृतकको शव पोष्टमार्टमका लागि जिल्ला अस्पताल लगिएको र घाइतेहरुको लालबन्दीस्थित स्वास्थ्य संस्थामा उपचार भइरहेको इलाका प्रहरी कार्यालय लालबन्दीले जनाएको छ।