काठमाडौं- कोभिडविरुद्धको लगाइने सात लाख बढी फाइजर खोप अमेरिकाबाट नेपाल ल्याइएको छ। शुक्रबार बिहान अमेरिकी सरकारको कोभ्याक्सअन्तर्गत फाइजर खोप ल्याइएको हो।
स्वास्थ्य सेवा विभागअन्तर्गत आपूर्ति महाशाखाका प्रमुख डा. सुरेश चौरसियाले आगामी सोमबार थप साढे सात लाख खोप नेपाल ल्याइने बताएका छन्। फाइजर खोप १२ वर्ष माथिका बालबालिकालाई लगाइनेछ।
नेपालमा हालसम्म विभिन्न मुलुकबाट गरेर कुल ४ करोड ७८ लाख ८२ हजार ८०० खोप प्राप्त भएको छ। कोभिशिल्ड, भेरोसेल, जोनसन एण्ड जोनसन्, फाइजर, अष्ट्राजेनिका खोप विभिन्न मुलुकबाट ल्याइएको छ।