स्थानीयले बन्द गरे जोरपाटी-साँखु सडक

साँखु सडकखण्ड कालोपत्र गर्न माग गर्दै थलीबासी बिहीबार बिहानैदेखि सडक बन्द गरेका छन्। सडकमा बाँस तेर्साएर स्थानीयले प्रदर्शन गरिरहेका छन्।

नेपाल समय | बिहीबार, चैत १०, २०७८

नेपाल समय

बिहीबार, चैत १०, २०७८

जोरपाटी- साँखु सडकखण्ड कालोपत्र गर्न माग गर्दै थलीबासी बिहीबार बिहानैदेखि सडक बन्द गरेका छन्। सडकमा बाँस तेर्साएर स्थानीयले प्रदर्शन गरिरहेका छन्।

थली-साँखु सडक संघर्ष सरोकार समितिका संयोजक मनिष सिंखडाले सडक कालोपत्र गर्न दबाब दिन सडक बन्द गरिएको बताएका छन्।

कालोपत्र नहुँदा आफूहरूले हिउँदमा धुलो र बर्खामा हिलोबाट सास्ति खेप्नु परेको स्थानीयको गुनासो छ। २०७६ मै सडक कालोपत्र गर्ने भने पनि अहिलेसम्म कालोपत्र हुन नसकेको भन्दै स्थानीय आन्दोलित बनेका छन्।

२०७६ जेठ मा ६ महिनाभित्र कालोपत्र गर्ने सहमति भएको थियो। दुई वर्ष भइसक्दा पनि सडक अलपत्र छ।

प्रकाशित: Mar 24, 2022| 11:06 बिहीबार, चैत १०, २०७८