काठमाडौं- देशका छुट्टा छुट्टा स्थानमा डुबेर दुई बालबालिकाको ज्यान गएको छ। बर्दिया, गुलरिया नगरपालिका-४ स्थित बबई नदीमा डुबेर १० वर्षीय बालकको ज्यान गएको हो।
ज्यान गुमाउनेमा सोही ठाउँ बस्ने धनिराम यादवका १० वर्षीय छोरा रिदम यादव रहेका छन्। मंगलबार दिउँसो नदीमा पौडी खेल्ने क्रममा डुबेर अशक्त भएका उनको उपचारको लागि अस्पतालतर्फ लैजाँदै गर्दा बाटोमै मृत्यु भएको प्रहरीले जनाएको छ।
यस्तै सप्तरी, विष्णुपुर गाउँपालिका-५ मझाउस्थित सार्वजनिक पोखरीमा डुबेर सोही ठाउँ बस्ने पवन मण्डलकी छोरी ७ वर्षीया ज्योती मण्डलको मंगलबार साँझ मृत्यु भएको छ।
पोखरीमा लुगा धुन जाँदा डुबेर अशक्त भएकी उनको गजेन्द्र नारायण सिंह अस्पताल राजविराज सप्तरीमा उपचारको क्रममा मृत्यु भएको प्रहरीले जनाएको छ।