तनहुँका घरधनीको बयान : पल र पीडित हाम्रो घरमा बसेका हुन्

काठमाडौं- पीडित नाबालिगको आरोपअनुसार तनहुँ दुलेगैँडास्थित प्रदीप थापाको घर पल शाहले उनलाई करणी गरेको भनिएको स्थान हो। त्यसैले अनुसन्धानका क्रममा प्रहरीले घरधनी प्रदिप र उनकी श्रीमती गंगा थापासँग पनि बयान लिएको थियो। 

मंगलबार जर्बजस्ती करणी अभियोगमा पल र मतियारका रुपमा म्यानेजर कृष्ण जोशी विरुद्ध दर्ता भएको अभियोग पत्र हेर्दा घरधनीद्धय प्रदिप र गंगा थापाले गत वैशाख १४ गतेको रात पल र पीडित नाबालिग आफ्नो घरमा बास बस्न आएको कुरा स्वीकारेका छन्। तर, पलले करणी गरेको भन्ने कुराचाँही आफूहरुले पछि मात्रै थाहा पाएको बयान दिएका छन्। 

‘त्यस साँझ पल, पीडित, कमल खत्री र जुरी ठाकुर गरी चार जना हाम्रो घरमा आएका थिए। बियर समेत खाएका थिए,’ बयानमा उनीहरुले भनेका छन्, ‘तर, साँझ सुत्ने क्रममा पीडित अलगै कोठामा, प्रतिवादी पल शाह (पूर्ण विक्रम) र कमल खत्री अर्को कोठा र जुरी ठाकुर हलकोठामा सुतेका थिए। उक्त राती प्रतिवादी पलले पीडित नाबालिगलाई जर्बजस्ती करणी गरेको भन्ने कुरा हामीले पछि सुनी थाहा पाएका हौं।’

तर, साँझ सुत्ने क्रममा पीडित अलगै कोठामा, प्रतिवादी पल शाह (पूर्ण विक्रम) र कमल खत्री अर्को कोठा र जुरी ठाकुर हलकोठामा सुतेका थिए। उक्त राती प्रतिवादी पलले पीडित नाबालिगलाई जर्बजस्ती करणी गरेको भन्ने कुरा हामीले पछि सुनि थाहा पाएका हौं। जो दोषी छ, उनीहरुलाई कानुन बमोजिम हुनुपर्छ।