त्रिशुलीमा बस खस्दा सातको मृत्यु

चितवन- अपडेटः काठमाडौंबाट स्याङ्जाको वालिङ जाँदै गरेको बस दुर्घटनामा परी ज्यान गुमाउनेको संख्या सात पुगेको छ । घाइते १३ जनामध्ये सात जनाको अवस्था गम्भिर छ । उनीहरुको उपचारका लागि अस्पताल पठाइएको प्रहरी बरिष्ठ उपरिक्षक प्रजाभक्त श्रेष्ठले जानकारी दिए । 

उद्दारमा खटिएका सशस्त्रका प्रहरी उपरिक्षक गणेशबहादुर थापाका अनुसार ज्यान गुमाउने दुर्इ महिला र तीन पुरुषको पहिचान भएपनि उनीहरुको नाम खुलेको छैन ।

ना६ख २५०६ नम्बरको बस धादिङको इच्छाकामना गाउँपालिका ३ चुम्लिङटारमा दुर्घटना भएको हो । 

विपरित दिशाबाट आइरहेको ना५ख ७४०९ नम्बरका ट्रकले ठक्कर दिँदा बस त्रिशुली नदीमा खसेको छ । 

नेपाल प्रहरी र सशस्त्र प्रहरी उद्दारका लागि घटनास्थलमा परिचालित छ ।