लेटाङमा तनाव कायमै, ६ जना पक्राउ

विराटनगर– मोरङको लेटाङमा भएको घटनामा संलग्न भएको आरोपमा ६ जना पक्राउ परेका छन्।

हिजो आइतबार स्थानीय र प्रहरीबीच झडप हुँदा महिला प्रहरी उर्मिला श्रेष्ठको मृत्यु भएको थियो। स्थिति तनावपूर्ण बनेकाले लेटाङमा आज बिहानैदेखि कर्फ्यू आदेश जारी गरिएको छ।

घटनामा संलग्न भएको आरोपमा लेटाङबाट ६ जना पक्राउ परेका हुन्। पक्राउ परेकाहरुको विवरण भने प्रहरीले दिएको छैन। शिक्षकले १२ वर्षीया विद्यार्थीलाई जबरजस्ती प्रयास गरेको आरोपपछि लेटाङमा हिजो तनाव भएको थियो।

प्रशासनले लेटाङको वडा ३ र ४ को पश्चिम क्षेत्र गंगे चोक र कमलपुर क्षेत्र, ५ वडाको सबै क्षेत्र, उत्तरमा लेटाङको ६ नम्बर वडा कार्यालय क्षेत्र, पूर्वमा मोरङे खोला क्षेत्र, पश्चिममा चिस्याङ खोला क्षेत्रमा कर्फ्यू लगाइएको छ।