कस्तो रहला आजको मौसम?

आज दिउँसो पहाडी भूभागका एक-दुई स्थानमा मेघगर्जन र चट्याङसहित हल्का वर्षाको सम्भावना रहेको मौसम पूर्वानुमान महाशाखाले जनाएको छ।

नेपाल समय | सोमबार, चैत ७, २०७८

नेपाल समय

सोमबार, चैत ७, २०७८

काठमाडौं- पश्चिमी न्यून चापीय प्रणालीको सामान्य प्रभावले हाल प्रदेश १ लगायत देशका पहाडी भूभागमा आंशिक बदली रहेको छ। दिउँसो पहाडी भूभागका एक-दुई स्थानमा मेघगर्जन र चट्याङसहित हल्का वर्षाको सम्भावना रहेको मौसम पूर्वानुमान महाशाखाले जनाएको छ।

राति प्रदेश १ को पहाडी भूभागका एक-दुई स्थानमा हल्का वर्षाको सम्भावना छ। महाशाखाका अनुसार मंगलबार पहाडी भूभागमा आंशिक बदली रहनेछ।

बुधबार प्रदेश १, बाग्मती, गण्डकी, कर्णाली र सुदूरपश्चिम प्रदेशका पहाडी भूभागमा आंशिक बदली रहने आँकलन गरिएको छ। पहाडी भूभागका केही स्थानमा वर्षाको सम्भावना रहेको महाशाखाले जनाएको छ।

प्रकाशित: Mar 21, 2022| 08:47 सोमबार, चैत ७, २०७८