तेह्रथुम- किशोरीलाई जबरजस्ती करणी गरेको अभियोगमा प्रहरीले एक जनालाई पक्राउ गरेको छ। १७ वर्षीया किशोरीमाथि जबरजस्ती करणी गरेको अभियोगमा सुनसरी इटहरी उपमहानगरपालिका-४ बस्ने २४ वर्षीय सन्तोष कटुवाललाई शनिबार प्रहरीले पक्राउ गरेको हो।
कटुवालले ती किशोरीलाई बिहीबार साँझ जबरजस्ती करणी गरेको भन्ने खबर प्राप्त हुनासाथ इलाका प्रहरी कार्यालय बसन्तपुरबाट खटिएको प्रहरीले उनलाई पक्राउ गरेको हो। उनलाई नियन्त्रणमा लिएर घटनाबारे अनुसन्धान थालिरहेको प्रहरीले जनाएको छ।