आज शताब्दीकै लामो चन्द्रग्रहण : कुन राशीलाई कस्तो फल ?

काठमाडौं- शुक्रबार यस शताब्दीकै लामो चन्द्रग्रहण लाग्ने भएको छ । शुक्रबार मध्यरातमा लाग्ने चार घण्टाको खग्रास चन्द्रग्रहण शताब्दीकै लामो रहेको खगोलविद्ले जनाएका छन् । 

रातको १२ बजेर ९ मिनेटबाट सुरु हुने चन्द्रग्रहण ४ बजेर ४ मिनेटसम्म देख्न सकिने जनाइएको छ । सामान्यतया बढीमा ३ घण्टासम्मको  ग्रहण लाग्ने गरेपनि आज भने ४ घण्टा लामो चन्द्र ग्रहण लाग्न लागेको हो । 

संसारका विभिन्न देश र नेपालबाट पनि प्रस्टरुपमा ग्रहण देख्न सकिनेछ । ग्रहण १२ बजेदेखि देखिए पनि यसको असर भने नौ बजेदेखि नै सुरु हुने खगोलविद्हरुको भनाई छ । 

ग्रहण लागेको समयमा तान्त्रिकले तन्त्रको साधना तथा अघोरी मन्त्रको साधना गर्दा सिद्घि प्राप्त हुने विश्वास गरिन्छ । ग्रहणका बेला खाना नखान तथा घरबाहिर ननिस्किन खगोविद्हरुले सुझाव दिएका छन् । यस्तो ग्रहणका बेला शरिरमा हानि पुर्याउने विभिन्न खाले विकिरणहरु खस्ने उनीहरुको भनाई छ ।  

कुन राशीलाई कस्तो फल ? 

शुक्रबार राती लाग्ने ग्रहणको फल राशीअनुसार फरक फरक रहेको छ । कुनै राशीलाई सुख प्रप्ति, धन लाभ देखिएको छ भने कुनै राशीलाई व्यथा र व्यय देखिएको ज्योतिषहरुले बताएका छन् । 

मेष : सुख

वृष : मान नाश

मिथुन : कष्ट

कर्कट : स्त्री पिडा 

सिंह : सुख

कन्या : चिन्ता

तुला : व्यथा

वृश्चिक : धन प्राप्ति

धनु : क्षति

मकर : घात

कुम्भ : व्यय

मीन : लाभ