होलीमा ट्राफिक नियम उल्लंघन गर्ने ४१३ सवारी कारवाहीमा

विराटनगर- मादक पदार्थ सेवन गरि मोटरसाइकल चलाउने ४ सय १३ वटा सवारी साधन कारवाहीमा परेको प्रहरीले जनाएको छ।

मापसे गरेर सवारी साधन चलाउने मोटरसाइकल, सिटीअटो, कार, ट्याक्टरसहित ४ सय १३ वटा सवारी साधन कारवाहीमा परेको जिल्ला ट्राफिक प्रहरी कार्यालय मोरङका प्रमुख प्रहरी निरीक्षक चन्द्रबहादुर खड्काले जानकारी दिए। प्रहरीले मापसे सेवन गरि होहल्ला गरि हिड्ने ७ जना मानिस नियन्त्रणमा लिएको मोरङ प्रहरीका प्रवक्ता डिएसपी मुकारुङले बताए।  

यसैबीच, होलीमा मादक पदार्थ सेवन गरेर मोटसाइकल चलाउने मोरङका दुई युवाको सवारी दुर्घटनामा परि मृत्यु भएको छ। 

को २५प८५५९ नम्बरको मोटरसाइकल दुर्घटना हुँदा कटहरी-५ का १६ वर्षीय आलोक विश्वास र ग्रामथान गाउँपालिका १ का १८ वर्षीय रिसभ चौधरीको शुक्रबार दिउँसो उपचारको क्रममा मृत्यु भएको हो। उनीहरुको उपचारको क्रममा विराट मेडिकल कलेजमा मृत्यु भएको मोरङ प्रहरीका प्रवक्ता डिएसी मन्जिल मुकारुङले जानकारी दिए।