मोरङ- विराटनगरमा एक हार्डवेयर व्यवसायी आफ्नै घरमा मृत फेला परेका छन्।
विराटनगर रोडशेष चौक उत्तरस्थित मिथिला हार्डवेयरका सञ्चालक विनोद झा मृत अवस्थामा भेटिएका जिल्ला प्रहरी कार्यालय मोरङले जनाएको छ।
उनी बुधबारबाट घरबाहिर देखिएका थिएनन्। प्रहरीलाई घरमा रहेको होटलका कर्मचारीले बिहीबार बेलुका खबर गरेका थिए। सोहीअनुसार प्रहरीले बिहीबार राति करिब १० बजे घरमा हेर्दा झा झुण्डिएर मृत अवस्थामा भेटिएका थिए।
जनकपुर घर भएका ५६ वर्षीय झा पछिल्लो समय एक्लै बस्दै आएको प्रहरीले जनाएको छ। उनको मृत्युबारे प्रहरीले अनुसन्धान सुरु गरेको जनाएको छ।