श्रीमान‍्को कुटाईबाट श्रीमतीको मृत्यु

झापाको बिर्तामोड नगरपालिका-५ मा श्रीमानको कुटाईबाट श्रीमतीको ज्यान गएको छ।

नेपाल समय | शुक्रबार, चैत ४, २०७८

नेपाल समय

शुक्रबार, चैत ४, २०७८

झापा- झापाको बिर्तामोड नगरपालिका-५ मा श्रीमानको कुटाईबाट श्रीमतीको ज्यान गएको छ। श्रीमतीलाई कुटपिट गरी हत्या गरेको आरोपमा प्रहरीले बिर्तामोड–५ का ४० बर्षीय श्रीमान कमल राउतलाई पक्राउ गरेको छ।

बुधबार राति राउतले घरायसी बिवाद हुँदा श्रीमती ३९ बर्षीय खेमजुङ गुरुङलाई कुटपिट गरेका थिए। कुटाईबाट गम्भीर घाइते भएकी खेमजुङको कन्काई अस्पताल बिर्तामोडमा सामान्य उपचार पश्चात थप उपचारको लागि बिराटनरस्थित नोवेल अस्पताल लगिएको थियो। त्यहाँ पनि उपचार हुन नसकेपछि आफन्तले बिर्तामोडस्थित माइती घर ल्याएकोमा उनको बिहीबार राति मृत्यु भएको हो ।

घटना सम्वन्धमा इलाका प्रहरी कार्यालय अनारमनीले अनुसन्धान गरिरहेको जनाएको छ।

प्रकाशित: Mar 18, 2022| 09:31 शुक्रबार, चैत ४, २०७८