डा केसीको उपचार गर्न चिकित्सक टोली गठन

काठमाडौं– अनशनरत डाक्टर गोविन्द केसीको स्वास्थ्य उपचारका लागि त्रिवि शिक्षण अस्पताल महाराजगञ्जले चिकित्सक टोली गठन गरेको छ । 

२७ दिनदेखिको अनशनका कारण डा केसीको स्वास्थ्य निक्कै नाजुक भएको भन्दै अस्पतालले चिकित्सक टोली गठन गरेको हो । 

डाक्टर केसीको उपचारका लागि त्रिविको सामान्य चिकित्सा विभाग प्रमुख प्राध्यापक डाक्टर प्रदीपकृष्ण श्रेष्ठ र नेफ्रोलोजी विभागकी प्रमुख प्राध्यापक डाक्टर दिव्या सिंह शाहको संयोजकत्वमा उपचार टोली गठन गरिएको हो । 

स्वास्थ्य उपचार टोलीमा डा. सुवास आचार्य, डा प्रमेशसुन्दर श्रेष्ठ, डा. सूर्य देवकोटा, डा. पंकज पन्त, डा. रविन नेपाली, टेकबहादुर कार्की र गंगा थापा सदस्य छन् । 

टोलीको एक संयोजक शाह प्रधानमन्त्री केपी शर्मा ओलीकी निजी चिकित्सक पनि हुन । 

केसी उपचारका लागि त्रिवि शिक्षण अस्पतालले गरेको निर्णय हेर्नुहोस्