भोलिदेखि संसदमा सत्तापक्ष आक्रमक हुने

काठमाडौँ- चिकित्सा शिक्षा विधेयक संसदमा अडकिए पछि सत्तापक्ष भोलिदेखि संसदमा आक्रमकरुपमा पेश हुने भएको छ ।

प्रतिस्थापन विधेयकमा कांग्रेसकी पुष्पा भुसालले हस्ताक्षर गरी विरोधको सूचना दर्ता गरेर पनि प्रक्रिया नै रोकेको भन्दै सत्तापक्ष शुक्रबारदेखि संसदमा आक्रमक रुपमा पेश हुन लागेको हो । 

सत्तापक्षले संसदीय सर्वोच्चतालाई सबैले मान्नुपर्ने मागसहित संसदमा प्रस्तुत हुने नेकपा केन्दीय सदस्य तथा सांसद राजेन्द्र गौतमले जानकारी दिए ।

‘अहिले पुच्चछरले टाउको हल्लाए जस्तो भयो, सडकबाट संसदलाई आदेश दिने जस्तो काम भएको छ’ उनले भने । उनले भोलिदेखि संसदमा  आफुहरु कडा रुपमा पेश हुने जानकारी गराए ।