ला लिगामा कार्डिजविरुद्ध एट्लेटिको मड्रिडको जित

काठमाडौं- स्पेनिस शीर्ष डिभिजनको फुटबल ला लिगामा शनिबार राति एट्लेटिको मड्रिडले जित निकालेको छ। एट्लेटिकोको वान्डा मेट्रोपोलिटनो फुटबल रंगशालामा भएको खेलमा घरेलु टिमले कार्डिजविरुद्ध २–१ को जित निकालेको हो।

एट्लेटिकोको जितका लागि जोआ फेलिक्स र रोड्रिगो डी पलले गोल गरे। खेलको तेस्रो मिनेटमै फेलिक्सले गोल गरेका थिए। तर पहिलो हाफमा अन्तिम मिनेटमा कार्डिजका अल्भारो नेग्रेडले गोल गर्दै बराबरी गरेका थिए।

यता, रोड्रिगोले ६८औं मिनेटमा गोल गर्दै अग्रता बनाएर एट्लेटिकोले जित निकालेको हो। तर ८८औं मिनेटमा जाभी सेर्रानोले रातो कार्ड बेहोरेपछि एट्लेटिको १० खेलाडीमा समेटिएको थियो।