फ्रेन्ड्स क्लब खप्तड गोल्डकपको फाइनल प्रवेश

धनगढी- फ्रेन्ड्स क्लब पाँचौ संस्करणको सुदूरपश्चिम खप्तड गोल्डकपको फाइनलमा प्रवेश गरेको छ। बिहीबार दिउँसो धनगढी रंगशालामा सम्पन्न खेलमा बागमती युवा क्लब सर्लाहीलाई २-१ ले हराउँदै फाइनलमा प्रवेश गरेको हो।

फ्रेन्ड्सको जितमा जमोल फ्रेङ्कोइस र राजीव लोप्चनले एक-एक गोल गरेका थिए। बागमतीका ड्याडी जुनियरले एक गोल फर्काए।

आजको हारसँगै बागमती प्रतियोगिताबाट बाहिरिएको छ। यसअघि मनाङ मर्स्याङ्दी क्लब फाइनमा प्रवेश गरिसकेको छ। मनाङले हिमालयन शेर्पालाई पेनाल्टीमा हराएपछि फाइनल प्रवेश गरेको थियो। फाइनल खेल शनिबार हुँदैछ।