च्याम्पियन्स लिगमा रियल र पीएसजी भिड्दै

काठमाडौं- युरोपेली च्याम्पियन्स लिगअन्तर्गत बुधबार रातिको खेलमा स्पेनिस लिगलिडर रियल मड्रिडले फ्रेन्च लिग वानको प्रमुख दाबेदार पेरिस सेन्ट जर्मेन (पीएसजी) को सामना गर्नेछ।

पहिलो लेगको खेलमा रियलले १-० को हार बेहोरेको थियो। त्यो खेल पीएसजीको मैदानमा भएको थियो। आजको खेल भने रियलको मैदान बर्नाबेउमा हुनेछ।

यता आजको खेलका लागि रियलका पूर्वकप्तान रामोस उपस्थित हुनेछैनन्। उनी रियलविरुद्धको पहिलो खेलमा पनि चोटका कारण टिममा थिएनन्।

आजको खेलमा जित निकाल्ने टिम च्याम्पियन्स लिगको अन्तिम आठमा प्रवेश गर्नेछ। मंगलबार रातिको खेलमा जित निकालेपछि बायर्न अन्तिम आठमा पुगिसकेको छ। गएराति हार बेहोरे पनि २–१ गोलअन्तरले लिभरपुल क्‍वार्टरफाइनलमा पुगेको हो।