शहीद स्मारक फुटबल : खुमलटार विजयी

सातदोबाटोस्थित एन्फा (अखिल नेपाल फुटबल संघ) कम्पलेक्समा भएको खेलमा खुमलटारले बाँसबारी क्बललाई १-० गोल अन्तरले पराजित गर्दै विजयी भएको हो।

नेपाल समय | बुधबार, फागुन २५, २०७८

नेपाल समय

बुधबार, फागुन २५, २०७८

football

काठमाडौं- राजधानीमा जारी शहीद स्मारक ‘बी’ डिभिजन लिग फुटबल प्रतियोगिता अन्तर्गत आज भएको खेलमा खुमलटार युथ क्लब विजयी भएको छ।

खुमलटारको जितमा सविन केसी नायक बने। उनले खेलको २९औँ मिनेटमा गरेको एक गोल नै खुमलटारको लागि निर्णायक गोल सावित भयो।

जितसँगै खुमलटारले तीन खेलबाट ६ अङ्क जोड्दै अङ्क तालिकाको तेस्रो स्थानमा उक्लिएको छ। चर्च ब्वाईज युनाइटेड र भगवती क्लबको पनि समान ६ अङक नै छ तर गोल अन्तरका आधारमा चर्च ब्वाईज शीर्ष स्थानमा रहेको छ।

त्यस्तै भगवती क्लब दोस्रो स्थानमा छ यता बासबारीको भने तीन खेलमा दोस्रो पराजय हो। बाँसबारीले तीन खेलमा १ अङक जोडेको छ।