तेक्वान्दो छनोटमा काठमाडौं टिम च्याम्पियन

काठमाडौं- बागमती प्रदेश तेक्वान्दो छनोट प्रतियोगिताको उपाधि काठमाडौंले जितेको छ। १४ स्वर्ण, ५ रजत र १ कास्य जित्दै टिम च्याम्पियन बनेको हो।

बागमती प्रदेश तेक्वान्दो संघले आयोजना गरेको प्रतियोगितामा ३ स्वर्ण, ३ रजत र ४ कास्य जितेको चितवन दोस्रो भएको छ। तेस्रो स्थानको धादिङले ३ स्वर्ण, २ रजत र ४ कास्य हात पार्‍यो।

आयोजकले गत पुस १५ देखि १७ गतेसम्म आयोजना गरेको मेयर कप तेक्वान्दोलाई सफलतापूर्वक सम्पन्न गर्न सहयोग गरेकोमा काठमाडौं जिल्ला तेक्वान्दो संघलाई सम्मान गरेको थियो।

त्यस्तै, सोही प्रतियोगितामा पदक जित्न सफल बागमतीका खेलाडीलाई पनि नगद पुरस्कार प्रदान गरिएको थियो। स्वर्णलाई ५, रजतलाई ३ र कांस्यलाई २ हजार नगदबाट पुरस्कृत गरियो।

राष्ट्रिय टिम तयारीका लागि आयोजित दुईदिने छनोट प्रतियोगितामा २ सय ४ खेलाडीले विभिन्न २६ स्पर्धामा प्रतिस्पर्धा गरेका थिए।