अवरुद्ध सडक खुलाउँदा भरतपुरमा झडप

काठमाडौं- तीन पांग्रे अटो रिक्सा व्यवसायीहरूले अवरोध गरेको सडक खुलाउन प्रहरीले बल प्रयोग गर्दा चितवन सदरमुकाम भरतपुरमा झडप भएको छ । 

त्यसक्रममा करिब २५ सेल अश्रु ग्यास प्रहार गरिएको चितवन प्रहरीले जनाएको छ। व्यवसायीहरूले प्रहार गरेको ढुंगा लागेर तीन जना प्रहरी घाइते भएका छन् । व्यवसायीहरूतर्फ घाइते भएकाहरूको संख्या यकिन भइसकेको छैन।

आक्रोसित व्यवसायीले एउटा मोटरसाइकल जलाइदिएका छन्। जिल्ला प्रशासन चोकदेखि बसपार्कसम्मको इलाका तनावग्रस्त छ।