ला लिगा : बार्सिलोनाको पुनरागमन जित

पहिलो हाफको अन्तिम समय अर्थात् खेलको ४४ औं मिनेटमा फिडेल चाभेसले गोल गर्दै इल्चेलाई सुरुआती अग्रता दिलाएका थिए।

नेपाल समय | सोमबार, फागुन २३, २०७८

नेपाल समय

सोमबार, फागुन २३, २०७८

काठमाडौं- स्पेनिस ला लिगा फुटबलमा बार्सिलोनाले पुनरागमन जित निकालेको छ। खेलमा पुनरागमन गर्दै बार्सिलोनाले इल्चेलाई २-१ ले पराजित गरेको हो।

खेलको ६० औं मिनेटमा बार्सिलोनाका फेरान टोरेसले गोल गर्दै खेल बराबरीमा फर्काए। खेल बराबरी भएपछि तनावमा देखिएको इल्चेले खेलको ८४ औं मनेटमा अर्को गोल खाएको हो। बार्सिलोनाका लागि निर्णायक गोल मेम्फिस डीपले गरे।

खेलको ८८औं मिनेटपछि इल्चे १० खेलाडीमा सीमिति भएको थियो। जाभियरले रातो कार्ड पाएपछि इल्चे १० खेलाडीमा सीमित भएको हो। आइतवार रातिको जितसँगै बार्सिलोनाले २६ खेलमा ४५ अंक जोडेको छ। बार्सिलोना चौंथो स्थानमा उक्लिएको छ। इल्चे ३२ अंक जोडेर १३औं स्थानमा रहेको छ।

प्रकाशित: Mar 07, 2022| 06:58 सोमबार, फागुन २३, २०७८