इराकमा अवरूद्ध राष्ट्रपतीय निर्वाचन प्रक्रिया पुन: सुरु

बगदाद- इराकी संसद्ले शनिबार राष्ट्रपति पदका लागि उम्मेदवारी दर्ता प्रक्रिया पुनः खुला गरेको छ। गत अक्टोबरको आम निर्वाचनपछि यसअघि नै यो प्रतिस्पर्धा तालिकालाई सम्पन्न गर्नुपर्नेगरी तय गरिएको थियो। 

इराकमा राष्ट्रपति निर्वाचित गर्ने कार्यमा सांसदहरू र खासगरी आरक्षित कोटाका कारण धेरै हदसम्म औपचारिक भूमिका कुर्द समुदायको रहने गर्छ।

संसदमा राष्ट्रपतीय उम्मेदवारी दर्ता गर्न उम्मेदवारहरूका लागि तीन दिने अवधि निर्धारण गरिएको विशेष सत्रमा भाग लिएका २६५ जनामध्ये निर्वाचन प्रक्रिया अघि बढाउने पक्षमा २०३ जनाले मतदान गरेका थिए।

प्रक्रिया थाल्न आवश्यक पर्ने सङ्ख्या र कतिपय कानूनी प्राबधानका कारण राष्ट्रपतीय निर्वाचन प्रक्रिया अवरूद्ध भएको थियो। जसले इराकको राजनैतिक अनिश्चिततालाई थप बढाएको थियो जसका कारण बहालवाला राष्ट्रपतिले संसदको सबैभन्दा ठूलो समूहको सिफारिसमा प्रधानमन्त्रीको चयन गर्नुपरेको थियो। 

फेब्रुअरी १३ मा इराकको सर्वोच्च अदालतले वर्षौं पूरानो भ्रष्टाचार आरोपमा अग्रपङ्क्ति र अनुभवी राजनीतिज्ञ होश्यार जेबारीविरुद्ध मुद्दा दायर भएपछि प्रतिस्पर्धामा अग्रपङ्क्तिमा रहने मानिएका अनुभवी राजनीतिज्ञ जेबारीले राष्ट्रपतिमा प्रतिस्पर्धा गर्न नपाउने भएपछि चर्किएको विवादले निर्वाचन प्रक्रिया नै अवरूद्ध बनेको थियो। 

प्रारम्भिक दर्तापछि लगभग २५ जना उम्मेदवारको क्षेत्रबाट उहाँको बहिष्कारले आफ्नो मुख्य चुनौती दिने व्यक्ति, वर्तमान राष्ट्रपति बरहम सलेहको लागि बाटो खाली गरेको देखिन्छ। उनले दोस्रो कार्यकालका लागि भाग लिने आशा गरेका थिए।

इराकी राजनीतिमा अक्टोबर २०२१ को आम चुनावदेखि नै समस्या उत्पन्न भएको थियो। न्यून सहभागितामा मतदान, निर्वाचनपश्चातको धम्की र हिंसाले निर्वाचन नै खलबलिएको थियो। त्यसपछि विवादको अन्तिम परिणाम पुष्टि नभएसम्म केही महिना ढिलो गर्न निर्वाचन आयोग सहमत भएको थियो।

मुस्तफा अल–काधेमीलाई सफल पार्न नयाँ प्रधानमन्त्रीको नाम राख्न राजनीतिक समूहहरूबीच तीव्र वार्तापछि बहुमत संसदीय गठबन्धन बन्न सकेको छैन।

इराकी राजनीतिमा महत्वपूर्ण भूमिका रहेका सिया धर्मगुरू मोक्तादा साद्रको नेतृत्वमा रहेको सबैभन्दा ठूलो राजनैतिक दलले जेबारीलाई राष्ट्रपति पदका लागि समर्थन गरेको छ।