बुटवल अटो इञ्जिनियरिङको अध्यक्षमा न्यौपाने विजयी

बुटवल- बुटवल अटो इन्जिनियरिङ एशोसिएशनको अध्यक्षमा तुल्सीराम न्यौपाने विजयी भएका छन्।  तीन प्यानलबीच भएको प्रतिस्पर्धामा नेकपा एकीकृत समाजवादी र माओवादी केन्द्र निकट व्यवसायीहरुको प्यानल विजयी भएको हो।

निर्वाचनमा कांग्रेस, नेकपा एमाले र समाजवादी र माओवादी निकट व्यवसायीहरुको तीन प्यानल चुनावी मैदानमा उत्रेको थियो। मंगलबार सम्पन्न भएको निर्वाचनमा विजयी न्यौपानेले २ सय १२ मत ल्याएका थिए। त्यस्तै प्रतिस्पर्धी एमाले निकटका व्यवसायी चन्द्रमणि भण्डारीले १ सय २२ र कांग्रेस निकटका प्रेम गौचनले १ सय २० मत प्राप्त गरेको निर्वाचन अधिकृत शालिकराम बन्जाडेले जानकारी दिए।

उद्योग उपाध्यक्षमा कृष्णप्रसाद न्यौपाने र वाणिज्य उपाध्यक्षमा रमेशकुमार श्रेष्ठ विजयी भएका छन्। महासचिवमा ध्रुवराज भुसाल, कोषाध्यक्षमा चिन्तामणि खनाल र सचिवमा पूजा गैरे निर्वाचित भएको निर्वाचन समितिले जनाएको छ। त्यसैगरि सदस्यहरुमा देवीकला पौडेल, राजेशकुमार जोशी, पोषराज अर्याल, सुशील पाण्डे, शिशुमाया अर्या, युवराज ढकाल, शिवप्रसाद बजगाई र भरत साहानी विजयी भएका छन्।