आँसु झार्दै राजिनामा दिए कानून मन्त्री तामाङले

काठमाडौं- कानून मन्त्री शेरबहादुर तामाङ मन्त्रालयमा मंगलबार राजिनामा दिनु अघि निकै बेर भावुक भए। राजिनामा दिनुअघि उनका आँखाबाट आँसु देखिएका थिए। 
छेउमा रहेकी पूर्व संसद आफ्नो पत्नी उषाकाला राईको पटक-पटक तारिफ गरेका थिए। उनले राईको सुझावलाई जहिले पनि मान्ने गरेको बताए। आफु भावुक मानिस भएको उनले बताए। 

आफुले नारीको सम्मान गर्ने गरेको बताए। उनले बीचमा कानून निर्माणसँग सम्बन्धित भएर प्रश्न गर्न पत्रकार सम्मेलनमा आग्रह गरेका थिए। आफुले जानी जानी कसैको  अहित नगरेको बताए। 

उनले जारी गरेको विज्ञप्तिमा नारीको आफुले अत्यन्तै सम्मान गरेको बताए। प्रधानमन्त्री र सरकारलाई सफल बनाउन नैतिकताको आधारमा राजिनामा दिएको बताए। 

एक सार्वजनिक कार्यक्रममा केही दिन पहिला बंगलादेशमा अध्ययन गर्न गएका महिला विद्यार्थीका बारेमा गरेको टिप्पणी विवादमा परेको थियो। 

उनले पत्रकार सम्मेलन सके लगतै प्रधानमन्त्रीलाई राजिनामा बुझाउन बालुवाटार गएका थिए।