मुलुकभर तरुणको प्रदर्शन

काठमाडौं–नेपाली कांग्रेसको भ्रातृसंगठन नेपाल तरुणले देशभरका जिल्ला प्रशासन कार्यालयमा प्रदर्शन गरेको छ । यही प्रदर्शन अन्तर्गत तरुणदलले काठमाडौं जिल्ला प्रशासनमा भने साङ्लो र ताल्चा बुझाउने भएको छ । 

शनिबार नयाँ बानेश्वरको झडपका क्रममा सरकारले शान्तिपूर्ण आन्दोलनलाई दमन गर्दै तरुणका कार्यकर्तामाथि लाठी चार्ज गरेको विरोधमा माइतीघर मण्डलाबाट निकालिएको तरुण दलको जुलुस अहिले जिल्ला प्रशासन कार्यालय अगाडि धर्नामा बसेको छ । 

शान्तिपूर्ण रुपमा बसेका तरुणदलका नेता कार्यकर्ताले विरोध स्वरुप सरकारलाई साङ्लो र ताल्चा बुझाउने भएका हुन् । 







यसैबीच नेपाल तरुणदल कैलालीको आयोजनामा आइतबार जिल्ला प्रशासन कार्यालय कैलालीको गेटमा धर्नामा बसेर नाराजुलुस गरेका छन् । प्रमुख जिल्ला अधिकारिलाई ज्ञापन पत्र बुझाउदै जुलुस पार्क मोडमा पुगेर कोण सभामा परिणत भएको थियो । शनिबार काठमाडौंमा भएको प्रहरी दमनका बिरुद्द प्रदेश ७ का सबै जिल्लामा आइतबार ज्ञापन पत्र बुझाउनुका साथै नेपाल तरुण दलले प्रदर्शन गरेको छ।