विराटनगर- दाउराको चिर्पटले हानेर मोरङको उर्लाबारीमा एक जनाले आमाको हत्या गरेका छन्। उर्लाबारी नगरपालिका-४ का ३५ वर्षीय गंगाप्रसाद भण्डारीले घरायसी विवादमा ७० वर्षीया आमा चन्द्रमाया भण्डारीको चिर्पट प्रहार गरी हत्या गरेका हुन्।
आमाको हत्यामा संलग्न भण्डारीलाई आइतबार राति इलाका प्रहरी कार्यालय उर्लाबारीका प्रहरी निरीक्षक राजाराम खड्का नेतृत्वको टोलीले पक्राउ गरेको छ।
छोराले दिउँसो ४:३५ बजेतिर चिर्पट प्रहार गर्दा गम्भीर घाइते भएकी वृद्धाको राति मृत्यु भएको प्रहरीले जनाएको छ। वृद्धाको मदन भण्डारी अस्पताल तथा ट्रमा सेन्टर मंगलबारेमा राति १०:२५ बजे उपचारका क्रममा ज्यान गएको हो।