काठमाडौं- तराईसहित केही पहाडी जिल्लामा बिहानी समयमा हुस्सु लागिरहेको छ। आज दिउसो भने हुस्सु हट्दै जाने र घाम लाग्ने मौसम पूर्वानुमान महाशाखाले जनाएको छ।
महाशाखाका अनुसार आज सामान्यतया मौसम सफा रहने छ। पहाडी क्षेत्रका एक/दुई ठाउँको मौसम आंशिक बद्ली भए पनि सामान्यतया मौसम सफा नै रहने महाशाखाको भनाइ छ।
तर, भोलि र पर्सि भने पश्चिमी वायुको प्रभावका कारण पहाडी र हिमाली जिल्लाका केही ठाउँमा वर्षा र हिमपातको सम्भावना छ। विशेषगरी उच्च पहाडी र हिमाली जिल्लामा वर्षा र हिमपातको अनुमान गरिएको महाशाखाले जनाएको छ।