पहिरोमा पुरिएर एकै घरका चारको मृत्यु

धनगढी-बझाङको खप्तड छान्ना गाउँपालिकामा पहिरोले पुरिएर एकै घरका चार जनाको मृत्यु भएको छ । 

केहीबेर अघि गाउँपालिका–६ बयानामा पहिरोबाट पुरिएर चार जनाको मृत्यु भएको छ । दुई बालक घाइते भएका छन् । 

स्थानीयका अनुसार पहिरोमा परिएर मृत्यु हुनेमा महिला स्वास्थ्य स्वंयमसेविका महेश्वरी थापा, उनका नाबालक छोरा कृष्ण थापा, उनकी सासु उज्जली थापा र  मंगल थापा छन् ।  घाइते हुनेमा मृतक थापाकै छोरा कवि थापा र ऋकेश थापा रहेका जिल्ला प्रहरी कार्यालय बझाङले जानकारी दिएको छ । 

स्थानीय सुर्दशन थापाका अनुसार बजारबाट घर फर्किने क्रममा पानी परेपछि ओत लाग्न सोही गाउँपालिकाको खलेगाडा भन्ने ठाउँको शिवमन्दीर क्षेत्रको चुनढुंगा भीरमा रहेकोे ओडारमा बसेका थिए । 

सोहि क्रममा ओडार भत्किएर उक्त घटना भएको हो । घट्नास्थलमा छान्ना प्रहरी चौकी र जिल्ला प्रहरी कार्यालयबाट टोली गईसकेको जिल्ला प्रहरी प्रमुख प्रहरी नायव उपरीक्षक ऋषीराम कँडेलले जानकारी दिए । छान्ना क्षेत्रमा बिहानैबाट पानी परिरहेको छ ।