रौतहट- लामो समयदेखि मानव बेचबिखन तथा ज्यान मार्ने उद्योग मुद्दामा फरार रहेका एक जनालाई प्रहरीले पक्राउ गरेको छ। पक्राउ पर्नेमा रौतहट जिल्लाको यमुनामाई गाउँपालिका-४ सरुअठा बस्ने सुरेन्द्र राय यादव रहेका छन्।
उनीविरुद्ध मानव बेचबिखन तथा ओसार पसार र ज्यान मार्ने उद्योगमा मुद्दा दर्ता भएको जिल्ला प्रहरी कार्यालय रौतहटले जनाएको छ। उनलाई शुक्रबार पक्राउ गरिएको हो।
अभियुक्तलाई आवश्यक कारबाहीको लागि जिल्ला अदालत गौरसमक्ष पेस गरिएको जिल्ला प्रहरी कार्यालय रौतहटले जनाएको छ।